Bloq

İnsult nədir?

İnsult — beyinə qan axınının kəskin şəkildə dayanması nəticəsində beyin toxumasının zədələnməsi ilə xarakterizə olunan ciddi bir xəstəlikdir. Bu vəziyyət təcili tibbi müdaxilə tələb edir və vaxtında müdaxilə edilməzsə, ölüm və ya daimi əlilliklə nəticələnə bilər.

İnsultun növləri
- İşemik insult: Beyin damarlarının tıxanması nəticəsində yaranır. Ən çox rast gəlinən formadır.
- Hemorragik insult: Beyində damar partlaması nəticəsində qanaxma ilə baş verir.

İnsultun əsas səbəbləri:
- Yüksək qan təzyiqi (hipertoniya)
- Şəkərli diabet
- Yüksək xolesterin
- Siqaret və alkoqol istifadəsi
- Obezlik və azhərəkətli həyat tərzi
- Stress və psixoloji gərginlik

İnsultun ilkin əlamətləri:
- Birdən-birə yaranan başgicəllənmə və şüur bulanıqlığı
- Üzdə, qolda və ya ayaqda qəfil keylik və zəiflik (xüsusilə bir tərəfdə)
- Nitq pozuntusu və sözləri düzgün ifadə edə bilməmək
- Gözlərdə bulanıqlıq və ya görmə itkisi
- Hərəkətdə qeyri-sabitlik və koordinasiya problemi

İnsultun qarşısını almaq üçün:
- Qanda şəkər səviyyəsini nəzarətdə saxlayın.
- Sağlam qidalanma və müntəzəm fiziki aktiv olun
- Siqaret və spirtli içkilərdən uzaq durun
- Müntəzəm tibbi müayinədən keçin

İnsult, vaxtında müdaxilə və düzgün profilaktika ilə qarşısı alınabilən ciddi bir sağlamlıq problemidir. Özünüzdə və ya yaxınlarınızda bu əlamətləri hiss edirsinizsə, dərhal həkimə müraciət edin.